Расонаи америкоӣ, ки ҲНИТ-ро ба террор маҳкум карда буд, ақидаашро тағйир надодааст

Рӯсиёҳии ҲНИ дар рад кардани иштироки аъзои ҷоноҷонаш Нахудов, ки бо номи Абусамадов низ машҳур аст дар террори сайёҳони хориҷӣ дар таърихи 29.07.2018с. такроран изҳор гашт. Бобоҷон Қаюмов ҷорчии кӯчабозори назди Балтика, шахси беурзаву нанг, сафедро сиёҳ пиндошта, мардумро ба бероҳа бурда, мулкро хароб карданист. Шумоён норафиқон ифротгароён, ба шумули Б.Қаюмзод, ки думрави кабирӣ ва дигар разилон мебошед, ба гумроҳӣ хонандаро набаред.
Оғоён ифротиҳо ҳарфи хоҷагони хориҷиатонро агар асл мепиндоред, ақалан ҳарфи расонаҳои онҳоро гӯш андозед, ки мегӯянд «ТТ ҲНИ дар терори сайёҳон даст дорад».
Коршиносон навори видеоиро, ки гӯё иштироки ҲНИ-ро дар қатли сайёҳони хориҷӣ рад мекунад, диданд. Он 1 дақика аст ва иштироки қорӣ Носир Убайдовро, ҲНИ инкор мекунад. Вале ҳақиқат онест, ки дида мешавад, на шунида. Абдусамадов садҳо бор иқрор шудааст, ки роҳбари ӯ 2 нафар аст: Кабирӣ ва қорӣ Носир ва маҳз бо дастури ин 2 нафар фирории лаин ва ватанфурӯш ин амалиётро анҷом додааст.
Ин паёмаки дурӯғросткун, намедонад ки миллионҳо нафар «Ҳукми Нахӯдов (он же Абусамадов Ҳ.)-ро, ки аъзои собиқадор ва вафодори кабирӣ ва амсолуҳум мебошад, ба гуноҳи кабираи худ иқрор шуд ва дар маърази ом дар навори видеоӣ дар «ТВ Настоящее время» бо ақли расо ва ҳуши солим гуфт: Ман аъзои ТТЭ ҲНИ мебошам ва бо дастури кабирӣ ва бо раҳнамоии қорӣ Носир ба ин ҷиноят даст задаам».
Сомонаи «паём.нет», ки на паём дар он аст, на таҳлил, иғво меангезад. Паёме ки дур аз Ватан ба пойгоҳи иттилоотии душман табдил ёфтааст. Чунончи, навиштааст: «Расонаи амрикоӣ, ки “ҲНИТ-ро гунаҳкор карда” буд, иштибоҳашро ислоҳ кард».
Вале таҳлилгари точик Фирӯз Каҳрамонов, ки мавзӯъро аз наздик пайгирӣ мекунад дар мақолаи «Ҳукми Абдусамадов (Нахӯдов) Ҳусейн дар расонаҳои хориҷӣ дастгирӣ ёфт» мегӯяд:
«23-юми ноябри соли 2018, телевизиони «Настоящее время» бо иқтибос аз хабарнигори РИА Новости-Лидия Исамова, ки аз Абдусамадов Ҳусейн, аъзои фаъоли ТТЭ ҲНИ дар боздоштгоҳ мусоҳиба гирифтааст, намоишеро нишон дод, ки рафти мурофиаи судиро бозгӯӣ мекунад. Яъне ба иборати дигар 4 ВАО-и хориҷӣ дар айни замон аз даст доштани ҲНИ дар қатли сайёҳон хабар доданд. Ин падидаи нотакрор аст.
Адвокат Абдуқаҳхори Қурбониён, ки ҳимояи Нахудови наҳзатиро ба уҳда дорад, хабар додааст, ки «Суди олии Тоҷикистон рӯзи 21-уми ноябри соли 2018, террористи гузаро ва қотил Абдусамадов Ҳусейн, аъзои фаъоли ТТЭ ҲНИ-ро, ки 29-уми июли соли 2018 ба террористони хориҷӣ ҳамла карда, чанд нафари онҳоро кушт, ба ҳабси абад маҳкум кард».
Падидаи ҷолиб ва фаромӯшнашуданӣ аз зовияи таърих он аст, ки Абдусамадов (минбаъд Нахӯдов) пурра ва довталабона аз нақшаҳои тахрибкоронаи ҳизби террористии наҳзат парда бардошта, ба гуноҳи худ, ки дар ноором сохтани вазъияти чумҳурӣ ифода меёбад, иқрор шуд.
Бо назардошти ин падидаи равшан гуфтан мумкин аст, ки даст доштани ҳизби наҳзат аз рӯйи дидгоҳи мутахассисон дар ин гуна амалиёти террористӣ як амри фаҳмо ва қобили дарк мебошад». Як фиреби назари ТТЭ ҲНИ дар ҳодисаи террористии 29-уми июл ба муқобили сайёҳони бегуноҳи хориҷӣ дар он баён мегардад, ки ин ҳизб таҳти пӯшиши ҳаракатҳои дигари террористӣ аз ҷумла ДОИШ баромад намуда, обрӯи дурӯғин касб мекунад.
Сухангӯи ҲНИТ мегӯяд «роҳ ёфтани гузориши Исамова ба телевизиони амрикоӣ тасодуфӣ нест. “Ин метавонад ҷузъе аз нақшаи тарроҳишуда барои кашонидани пои яке аз расонаҳои хориҷии муътабар ба ин қазия ва истифодаи он ҳамчун эътирофи байналмиллалии ҳизби мо ҳамчун як созмони террористӣ бошад». Бале ҷомеаи ҷаҳонӣ террорист будани шуморо эътироф кард ва танҳо роҳи халосӣ ҷомадонҳо ҷамъ кардан аз Литва ва ба Ватан шармандавор баргаштан мондааст.
Фарҳод Калонов, таҳлилгар