Муовини раиси ноҳияи Хуросон – Турсунзода Дӯстмурод ва дигар ҳайати гурӯҳи кории мақомоти иҷроияи ҳокимияти давлатии ноҳияи Хуросон рӯзи 28-уми июл тибқи нақшаи корӣ бо усули «Деҳа ба деҳа», «Маҳалла ба маҳалла» дар ҷамоати деҳоти Ғаллаободи ноҳия – деҳаи Истгоҳи Даҳана бо сокинон вохӯрӣ ва корҳои фаҳмондадиҳӣ гузарониданд.
Ба ҳар як сокини дастуру супоришҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро дар самти сарфаю сариштакорӣ, даъвати ҷавонон ба хизмати ҳарбӣ, истифодаи самараноки замин, рӯёнидани ду-се ҳосил аз як замин, захираи маҳсулоти ғизоӣ барои зимистон, сарфакорона истифодабарии қувваи барқ расонида шуда, вохӯриҳо дар дигар деҳаҳо идома доранд.
Ҳамзамон оиди пешгирӣ аз ҷиноят ва дигар омилҳои номатлуб, пешгирӣ аз бегонапарастӣ, хурофотпарастӣ, таълимоти ғайриқонунии динӣ, пешгирӣ аз пӯшидани либоси ба фарҳанги миллии мо бегона (сатру ҳиҷоб), пешгирӣ аз ғарқшавӣ, пешгирӣ аз бемориҳои сироятӣ ва дигар масъалаҳои доғи рӯз сӯҳбату маслиҳатҳои фаҳмондадиҳӣ гузаронида шуд.
Аксҳо аз рафти вохӯрӣ:
