Рӯзи 24-уми июн дар мақомоти иҷроияи ҳокимияти давлатии ноҳия ҷаласаи Шӯрои ноҳиявии мутобиқсозию методӣ оид ба таълим ва тарбияи ҳуқуқии шаҳрвандон дар назди раиси ноҳия таҳти раисии Суризода Носир баргузор гардид. Дар кори ҷаласа масъалаҳои:
1. Гузаронидани корҳои тарғиботиву ташвиқотӣ оид ба фаҳмондадиҳии мазмуну муҳтавои Паёми навбатии Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон “Дар бораи самтҳои асосии сиёсати дохилӣ ва хориҷии Ҷумҳурии Тоҷикистон” ва паҳн намудани матни он.
2. Баргузории чорабиниҳо бо ҷалби зиёиён, адибон, рӯҳониёни бонуфуз ва инчунин пахш намудани филмҳои кӯтоҳмуддати таълимӣ бо мақсади пешгирӣ намудани ҷавонону наврасон аз фарогирӣ ба таълимоти ғайрирасмии динӣ, шомилшавии онҳо ба ҳизбу ҳаракатҳо ва сохтмону ташкилотҳои экстремистӣ.
3. Баргузор намудани озмуни “Беҳтарин судя-ташвиқотчӣ” ва пешниҳоди ғолибон барои ҳавасмандгардонӣ ба мақомоти иҷроияи ҳокимияти давлатии ноҳия.
4. Роҳандозӣ намудани корҳои фаҳмондадиҳӣ, вохӯрию мулоқотҳо бо аҳли ҷамоат дар маҳаллаҳо, ташкилоту муассисаҳои ноҳиявӣ оид ба даъвати шаҳрвандон ба хизмати ҳатмии ҳарбӣ ва омода намудани ҷавонон ба сафи Қувваҳои Мусаллаҳи Ҷумҳурии Тоҷикистон.
5. Муҳокима ва натиҷагирии масъалаҳои дар нимсолаи якум гузошташуда дар ҷаласаи Шӯро.
Вобаста ба масъалаҳои гузошташуда дар Шӯрои муовини раиси ноҳия – Турсунзода Дӯстмурод, мудири шӯъбаи маорифи ноҳия – Қурбонов Исроил, судяи суди ноҳия – Вализода Ҷонибек, комиссари ҳарбии ноҳия – Мирзозода Муборакшо, инчунин котиби Шӯро – Ҳайдарзода Қосимҷон, сардори ШВКД дар ноҳия – генерал Искандарзода Муҳаммадшоҳ, муовини прокурори ноҳия – Шодизода Парвиз фикру андешаҳояшонро иброз намуданд.
Аксҳо аз рафти ҷаласа:
