21-уми июли соли равон дар асоси нақшаи чорабиниҳои мақомоти иҷроияи ҳокимияти давлатии вилояти Хатлон дар мавзӯи огоҳбахшӣ ва иттилоърасонӣ барои пешгирӣ аз ифротгароӣ дар қасри фарҳангии “Кохи Хуросон”-и ноҳия намоишномаи “Бозгашт” манзури иштирокчиён карда шуд.
Саҳнаи театрӣ баҳри пешгирии шомил нагаштани ҷавонон ба ҳар гуна ҳизбу ҳаракатҳои экстремистӣ -террористӣ ба намоиш гузошта шуд, ки дар он нақшаҳоро ҳунармандони театри вилоятии мусиқӣ – мазҳакавии ба номи Ато Муҳаммадҷонов таҳти роҳбарии Саидзода Отахон иҷро намуданд.
Инчунин дар чорабинии мазкур Абдуллоҳ Қодирӣ – сардори шуъбаи иттилоотӣ ва татбиқи диншиносии Маркази исломшиносӣ назди Президенти Ҷумҳурии Тоҷикистон, Мадина Низомова – намояндаи ташкилоти таҳлил иштирок ва суханронӣ намуданд.
Аксҳо:
